– आफैले बोकेको चक्कूले लियो ज्यान
– डल्ली बिहे गर्छु भन्दा हानाहान
– आफै गरेका थिए प्रहरीलाई खबर
– सीसी क्यामेराले पत्ता लाग्यो हत्यारा
– डल्लीसँगै काले र गोरेले खाएका थिए रक्सी
– ट्याक्सीमा पृथ्वीचोक पुगेर चक्कु लुकाएर शव हेर्न फर्केका थिए काले
पोखरा । लेकसाइडमा सोमबार मध्येरात १४ वर्षीय सचिन सिञ्जालीको हत्या गर्ने पक्राउ परेका छन् । उनलाई आफ्नै साथी बेनी काले भनिने २१ वर्षीय कुमार गर्बुजाले हत्या गरेकाे प्रहरीले जनाएकाे छ । अभियुक्तलाई जिल्ला प्रहरी कार्यालय कास्कीमा अहिले दिउँसो ४ बजे पत्रकार सम्मेलन मार्फत सार्वजनिक गरिदैंछ ।
पाल्पा घर भई लेकसाइडमा आमासँग बस्दै आएका सचिनको चक्कूले घाँटी रेटेर हत्या भएको अवस्थामा हल्लनचोक स्थित निर्माणाधीन एक भवनमा शव फेला परेको थियो । प्रहरीले सीसी टिभी क्यामेरा सहायताले केहि घण्टामै हत्यारा पत्ता लगाएको छ । हल्नचोकबाट पामे तर्फ जाने बाटोमा बन्दै गरेको घरमा शव भेटिएको थियो । वडा प्रहरी कार्यालय बैदामका डिएसपी नविन कार्कीका अनुसार मुख्य अभियुक्त बेनी काले रहेको र उसले २ जना बालकहरुको नाम समेत जोडेकाले उनीहरुको बारेमा अनुसन्धान भईरहेको जानकारी दिएका छन् । सचिनको शव पोष्टमार्टमका लागि पोखरा स्वास्थ्य विज्ञान प्रतिष्ठानमा छ ।
सचिनका बुबा र आमा १२ वर्षदेखि सँगै बस्दैनन् । मृतकका बाबु गोबिन्द सिन्जाली पनि पोखरा नै छन् । उनी लेकसाइडकै शान्ति पाटनमा फ्रेसहाउस संचालन गर्दै आएका छन् । मृतक सचिन हजुरआमा र आमासँग नै बस्दै आएका थिए । कहिलेकाहिँ बुबासँग पैसा माग्न जाने गर्दथे । सचिनका दाइ पनि छन् । आमा सुनिता लेकसाइडमै एक स्पा चलाउँदै आएकी छन् ।
यसरी भयो घटना
उनीहरु सडकमै मागी हिड्ने समूहका हुन् । मृतक सचिनलाई गोरे भनेर बोलाइने र म्याग्दी बेनीतिरका भएकाले अभियुक्त कुमारलाई बेनी काले भनेर बोलाइने गरेको प्रहरीले बताएको छ । सोमबार बेलुकीदेखि नै आधा दर्जन जम्मा भएर रक्सी खान थाले । अभियुक्त बेनीकालेसँगै बाहुन भन्ने बुद्ध रिमाल, मोटे भन्ने सुशान्त परियार, सबैभन्दा सानो सुकदेव नेपाली, डल्ली भन्ने सुनिता बसेर रक्सी खाए । १३ वर्षीय मोटे सुशान्त र १० वर्षीय सुकदेव अभियुक्त बेनीकालेको ग्याङको भनेर आफूलाई चिनाउँछन् । यो समूहले डल्लीलाई बेनीकालेको गलफ्रेण्ड भन्छन् । बेलुकी रक्सी खाने बेला मृतक गोरै थिएनन् । मृतक गोरे कहिलेकाहिँ सडक बालकका रुपमा हिँड्ने गरेको थाहा हुन आएको छ । अरुबेला आमासँगै बस्ने र लागूऔषध खान मात्र समूहमा मिसिने गरेको अनुसन्धानमा पत्ता लागेको छ ।
उनीहरु मध्येरात १२ बजेसम्म घटनास्थल सहित विभिन्न ठाउँमा पटक पटक मादक पद्धार्थ सेवन गरेको बयान अभियुक्तले दिएका छन् । बियरदेखि छ्याङ, सस्तो तर स्वास्थ्यका लागि हानिकारक कडा रक्सी बट्टारे समेत पिएको स्विकार गरेका छन् ।
बेलुकीदेखि नै घटनास्थलमा रक्सी खाएर बसेको समूहमा पछि गोरे मिसिए । त्यही क्रममा गोरे र बाहुनको झगडा भयो । २६ वर्षीय बाहुन कुलतमा फसेर हात समेत काटिएको अस्वस्थ छन् । झगडापछि बाहुन पसलतिर हिँडे । त्यसपछि बेनीकाले र गोरे पनि बाहिर निस्के । उनीहरुले दुई बोत्तल बिअर र चुरोट किने । पछि फेरि बन्दै गरेको घरमै फर्किए । साढे १० बजेतिर बेनीकालेकी प्रेमिका भन्ने डल्ली निस्केर गईन् । उनीहरु पनि निस्के ।
राति १२ बजेर १३ मिनेटमा ४ जना पुनः घटनास्थल फर्के । त्यसक्रममा बेनीकाले, गोरे, मोटे र फुच्चे (शुकदेव) थिए । सीसी क्यामेरमा १२ बजेर ४६ मिनेटमा ३ जना बाहिरिएको देखिएको छ । यसबीचमै हत्या भएको थियो । ४ जना रक्सी खाएर टिल्ल थिए । निर्माणाधिन घरमा पुगेपछि गोरेले म बिहे गर्ने हो डल्लीलाई भने । त्यसपछि डल्ली मेरो बुढी हो भन्दै बेनी काले रिसाए । त्यसैक्रममा झगडा भयो । गोरेले सधैं सानो चक्कु बोक्ने गरेको साथीहरुले बताएका छन् । उनले त्यही चक्कुले बेनीकालेको दाहिने खुट्टामा प्रहार गरे । त्यसपछि बेनीकालेले लडाएर घोप्टो पारी चक्कूले घाँटी रेटे ।
१३ वर्षीय मोटे र १० वर्षीय फुच्चे आफूहरु सुतेको बयान दिएका छन् । तर, अभियुक्त बेनी कालेले भने दुई जनाले हातखुट्टा समाएर आफूले चक्कूले घाँटी रेटेको बयान दिएका छन् । यस सम्बन्धमा प्रहरीले अनुसन्धान केन्द्रित गरेको छ । मोटेले खस्याकखुसुक गरेपछि आफू ब्युझिएको बताएका छन् । बेनी कालेले मारिसकेको र रगत बगिरहेको देखेपछि फुच्चेलाई हामी भागम् भन्दा बेनीकालेले तिमीहरु कसैलाई भनिस् भने म मार्दिन्छु भनेको मोटेको बयान छ । बेनी कालेसँग यहाँ बयान बाझिएको छ ।
हत्या गरेपछि बेनीकाले, मोटे र फुच्चे हल्लनचोकमा पुगेर ट्याक्सी लिएर पृथ्वीचोक पुगेर सब्जीमण्डी नजिकैको दमकल राख्ने ठाउँमा गएर चक्कू लुकाए । त्यसपछि, पुनः घटनास्थलमा पुगेर हेर्दा गोरे मरिसकेको देखे । उत्तानो पारेर सुतेको जस्तो बनाएर बेनी काले फर्किए ।
वडा प्रहरी कार्यालय बैदामका प्रहरी निरीक्षक विजय भण्डारीले ४ जना पसेको, ३ जना निस्किएको, १ घण्टाबीचमा बेनीकाले पुनः घटनास्थल गएको, फर्किएको सबै सीसी क्यामेरा रेकर्डमा देखिएको बताए । तर, बेनी काले आफै प्रहरीलाई खबर गरेर झुक्याउन खोजेका थिए ।
मरेको भेटिएपछि बेनी कालेले एउटा ट्याक्सी ड्राइभरलाई मेरो साथी त्यो घरमा त्यस्तो अवस्थामा छ, हस्पिटल लैजाउँ भनेर भने । पुलिसलाई खबर गर्न भनेपछि ट्याक्सी ड्राइभरकै नम्बरबाट १०० मा फोन समेत गरे । तत्काल प्रहरी घटनास्थल पुग्यो । त्यसबेला राति साढे २ बजेको थियो । बेनी कालेले नै घटनास्थलसम्म प्रहरीलाई लगेका थिए । उनले बाहुनले मारेको भनेर प्रहरीलाई ढाँटेका थिए । तर, सीसी क्यामेरामा राति ९ बजेपछि बाहुन देखिएनन् । प्रहरीले आधा दर्जनलाई नियन्त्रणमा लिएर केरकार गर्दा बेनी काले कुमार गर्बुजाको संलग्नता देखियो ।
कुमार गर्बुजा होइनन्, दर्जी भएको खुलासा, प्रहरीलाई सार्वजनिक गर्नै हतारो
सचिनको हत्यामा संलग्न कुमार गर्बुजा भनेर प्रहरीले केहि घण्टामै सार्वजनिक गरेको थियो । तर, हत्यारा समातेको हर्षमा हौसिएको प्रहरी अभियुक्तको वास्तविक नाममै चुकेको छ । कास्की प्रहरीले छिटो घटना सार्वजनिक गर्ने नाममा गलत सुचना दिएर अनुसन्धान माथि नै प्रश्न चिन्ह समेत खडा गरेको छ । ‘बेनी काले’ भनिने भनेर कुमारको घर बेनी हुन सक्ने सुरुमा आशंका समेत गरिएको थियो । तर पछि पर्वत भन्ने पत्ता लागेको थियो ।
हत्याका मुख्य अभियुक्त कुमार गर्बुजा भनि सार्वजनिक गरेको थियो । तर, कुमारको वास्तविक थर गर्बुजा नभई दर्जी (परियार) भएको खुलासा भएको छ । कास्की प्रहरीले अभियुक्त्तको भनाईलाई मात्र आधार मानेर उनका आफन्त तथा सम्बन्धित जिल्लाका प्रहरीसँग समेत समन्वय नगरी गलत सूचना प्रवाह गरेको थियो । आमाको थर गर्बुजा भनेर ढाकछोप गर्न खोजिएपनि कुमारकी आमा गर्बुजा नभई चमेली दमाई हुन् ।
सम्बन्धित खबर
श्रीमान मार्न जेठी श्रीमतीको सुपारी, प्रेमीसहित ४ जना पक्राउ
प्रेम प्रस्ताव अस्वीकार गरेपछि सुस्माको हत्या, २१ वर्षीय रुपेन्द्र पक्राउ
पोखरा फूलबारीबाट अन्तर्राष्ट्रिय कल बाइपास गर्दै आएका दुई नेपाली समातिए, नाइके श्रीलंकाका
भ्यालेन्टाइन डे मनाउन भन्दै कोठामा बोलाएर नाबालिकामाथि बलात्कार, किशोर पक्राउ
नेविसंघका नेता बास्तोलासहित ३ जना सरकारी छापहरु र जरायोको सिङसहित पोखरामा पक्राउ
पोखरामा एक भारतीयको फ्ल्याटमा सुन र नोटको थुप्रोः ६ किलो सुन, ७ किलो चाँदी, ६३ लाख नगद [भिडियो]
यो पनि पढौँ
पोखरामा ताल दोहन: अतिक्रमणकारी र राजनीतिज्ञ एकैठाउँमा
‘चाडबाड राम्राे दिदीबहिनीले, घर रमाइलो छोराछाेरीले’ [भिडियो सहित]
पोखरामा हुने ‘ई-प्लानेट अष्ट्रेलियन युनिभर्सिटी फेयर’ मा ३ दर्जन युनिभर्सिटी सहभागी हुँदैछन् : शर्मा
घरेलु उपचार कति प्रभावकारी !