एशिया कप क्रिकेट खेल्न भारत आफ्नो देशमा नआए अर्को वर्ष विश्वकप क्रिकेट भारतमा हुन नदिने चेतावनी पाकिस्तानले दिएको छ।
पाकिस्तान क्रिकेट बोर्डका अध्यक्ष नजम सेठीले आगामी सेप्टेम्बरमा हुने एशिया कपका लागि भारतले पाकिस्तान भ्रमण गर्न अस्वीकार गरेमा आफ्नो टोलीले पनि विश्वकपका खेलहरू भारतबाट अर्को देशमा सार्ने गरि लबिङ गर्ने बताएका हुन्।
सन् १९४७ मा बेलायतबाट स्वतन्त्र भएदेखि आपसमा विवाद गर्दै आएका भारत र पाकिस्तानबीच एशिया कपमा खेल्ने नखेल्ने भनाभन अझै साम्य हुन सकेको छैन।
विश्वकप आउन करिब ६ महिना भन्दा थोरै समयमात्र बाँकी रहँदा भारतले खेल तालिका र स्थानसमेत सार्वजनिक गर्न सकेको छैन।
भारतीय क्रिकेट बोर्ड (बिसिसिआई)ले कूटनीतिक तनाव र देशको चुनौतीपूर्ण सुरक्षा अवस्था दुवैलाई उद्धृत गर्दै केही वर्षदेखि पाकिस्तान भ्रमण गर्न अस्वीकार गर्दै आएको छ।
पाकिस्तान क्रिकेट बोर्डका अध्यक्ष सेठीले एक पत्रिकालाई दिएको अन्तर्वातामा विश्वकपको लागि पारस्परिक व्यवस्थाको माग गर्दै भारतले एशिया कप तटस्थ स्थानमा खेल्न चाहेमा र हाइब्रिड मोडेललाई स्वीकार गरेमा पाकिस्तानले पनि विश्वकपमा हाइब्रिड मोडेल नै खोज्ने बताएका छन्।
सम्बन्धित खबर
आर्मीको ऐतिहासिक जीत, पहिलो पटक उपाधि उचाल्यो
पोखरा म्याराथनलाई ‘सफल दूध’को पुनः ३ वर्ष मूख्य प्रायोजनमा साथ, १२ वर्ष निरन्तर
चौथो टाइगर कप उपाधि हेल्प नेपाल र एपिएफलाई
भारतलाई घरेलु मैदानमा स्तब्ध पार्दै अस्ट्रेलिया बन्यो छैटौं पटक विश्वविजेता
गण्डकी भलिबल टीमका सन्तोष थापाको मोटरसाइकल दुर्घटनामा निधन
नेपाल १० वर्षपछि टि २० विश्वकपमा छनोट, युएईसँग लियो बदला
यो पनि पढौँ
पोखरामा ताल दोहन: अतिक्रमणकारी र राजनीतिज्ञ एकैठाउँमा
‘चाडबाड राम्राे दिदीबहिनीले, घर रमाइलो छोराछाेरीले’ [भिडियो सहित]
पोखरामा हुने ‘ई-प्लानेट अष्ट्रेलियन युनिभर्सिटी फेयर’ मा ३ दर्जन युनिभर्सिटी सहभागी हुँदैछन् : शर्मा
घरेलु उपचार कति प्रभावकारी !