पोखरामा घुमुवा प्रहरीले समात्न खोजेपछि एक युवा सेती नदीमा हामफालेर बेपत्ता छन् ।
बुधबार सिभिल प्रहरीको टोली चारजना युवालाई लागुऔषध सेवन तथा कारोबारको आशंकामा नियन्त्रणमा लिन पोखरा १ सिम्पानी नजिकै कसेरी गएको थियो । प्रहरीले उनीहरुका साथीहरुलाई नै प्रयोग गरी रंगेहात पक्रने योजना बनाएको थियो ।
तीनजना युवक पक्राउ पनि परे । तर, अर्काे एक जना भने प्रहरीलाई देखेपछि नदितिर भाग्न थाले । सेतीमा हाम फाल्ने युवा पोखरा–१ कसेरीका २८ वर्षीय सन्तोष तामाङ रहेका छन् । स्थानीयवासीले भने प्रहरीले लखेटेपछि डराएर सन्तोषले नदीमा हाम फालेको र प्रहरी त्यसपछि उद्धार नगरी फर्केको बताएका छन् ।
सन्तोषका भाइले नै दाइ नदीमा हाम्फालेको देखेको भन्दै प्रहरीलाई भनेपनि उद्धार नगरी फर्किएको जिकिर गरेका छन् । नदीमा हाम फालेको चार घण्टा घण्टापछि मात्रै प्रहरी खोज्न भनेर सेती नदी किनार पुगेको थियो ।
कास्की प्रहरी प्रवक्ता प्रहरी नायब उपरिक्षक श्रवणकुमार बिक नै घटनास्थल पुगेका थिए । समातिने युवा कारोबारी हुन् कि प्रयोगकर्ता अनुसन्धानकै क्रममा रहेकोे प्रहरीले जनाएको छ ।
कसेरीबासीले वडा प्रहरी कार्यालय बगर अगाडि नाराबाजी गरे । केहीबेर स्थिति तनावग्रस्त पनि बनेको थियो । प्रहरीले संयमता गुमाउँदा नदितिर भाग्नुपर्ने वातावरण बनेको र उर्लँदो सेतीमा हाम्फालेपछि पनि तत्काल कुनै उद्धारको प्रयास नगरी नदेखे नसुनेझैं प्रहरी फर्किएकोमा स्थानीयको चरम असन्तुष्टि छ ।
सम्बन्धित खबर
पोखरा कलेज अफ म्यानेजमेन्टमा नमूना पत्रकार सम्मेलन
सुजल डेरीको ‘सफल ह्याप्पी गाईको दूध’ बजारमा
पोखरा पर्यटन राजधानी, प्रधानमन्त्री प्रचण्डले गरे रिमोटबाट लोगो अनावरण
पर्यटकीय राजधानी घोषणासगैँ पोखरा चौबिसै घण्टा खुल्ला
बैद्य इनर्जीले पोखरामा ल्यायो एथर इलेक्ट्रीक स्कुटर
पोखरा महानगरपालिकाले ३३ वटै वडालाई भन्यो- ‘सम्झौता नभएका योजना कार्यान्वयन नगर्नू’
यो पनि पढौँ
पोखरामा ताल दोहन: अतिक्रमणकारी र राजनीतिज्ञ एकैठाउँमा
‘चाडबाड राम्राे दिदीबहिनीले, घर रमाइलो छोराछाेरीले’ [भिडियो सहित]
पोखरामा हुने ‘ई-प्लानेट अष्ट्रेलियन युनिभर्सिटी फेयर’ मा ३ दर्जन युनिभर्सिटी सहभागी हुँदैछन् : शर्मा
घरेलु उपचार कति प्रभावकारी !