गुल्मेलीका प्रिय ‘बिनोद सर’ । घर पोखरा । शिक्षण पेशाको जागिर गुल्मी । गुल्मीको रेसुङ्गा ८, तम्घास, खानीगाउँस्थित सिद्ध माविमा कक्षा ११ र १२ मा विज्ञान विषय पढाउँदै आएका थिए बिनोद तिम्सिनाले । आफै बायोलोजीका विद्यार्थी बिनोदले बायाेलाेजी नै पढाउँदै आएका थिए ।
जनैपूर्णिमा पर्व मनाउन गुल्मी देखि आफ्नो घर पोखरा आउँदै गरेका बिनोद पाल्पामै अस्ताए । पोखरा महानगरपालिका २५ माथिल्लो हेम्जाका ३० वर्षीय बिनोद चढेको स्कोर्पियो जीप पाल्पाको जोर्तेमा सुख्खा पहिरोमा पर्दा दुर्घटनामा परेको थियो । माथिबाट खसेको ठूला ढुंगाहरुले किच्दा जीपमा सवार ११ जनामध्ये ३ जनाको मृत्यु भएको थियो ।
३ वर्ष अघि मात्रै बिहे गरेका बिनोदको श्रीमति र ८ महिनाका छोरा छन् । अल्पायूमै विनोदको निधनले परिवारमा ठूलो बज्रपात परेको छ । तिम्सिना परिवार शोकमा डुबेका छन् । बिनाेदकाे निधनमा विद्यालयले भाेलि शुक्रबार शाेकबिदा दिएकाे छ । आँखामा राख्दा पनि नबिझाउने ‘बिनोद सर’ काे अकल्पनीय निधनमा विद्यार्थीहरू भावविह्वल बनी सामाजिक सञ्जालमा श्रद्धाञ्जली दिइरहेका छन् ।
उक्त सुख्खा पहिरोले स्कार्पियो जीप पुरिँदा गुल्मी रेसुङ्गा नगरपालिका ७ की ५० वर्षीय मनकला चुधारा र पाल्पा तानसेन नगरपालिका घर भई गुल्मी जिल्ला प्रहरी कार्यालयमा कार्यरत यम बहादुर बोहोराको मृत्यु भएको जिल्ला प्रहरी कार्यालय पाल्पाले जनाएको छ ।
सम्बन्धित समाचारः
पाल्पाको पहिरोमा परेको स्कोर्पियोमा सवार पोखराका बिनोदको मृत्यु
मृतक ३ जना र घाइते सबैकाे पहिचान खुल्याे
सम्बन्धित खबर
धादिङको खाल्टेमा ट्रक दुर्घटनाः दुईको मृत्यु, घाइते ६ जनालाई हेलिकप्टरमा काठमाडौं लगियो
कास्कीको भदौरे देउरालीमा जीप दुर्घटना, पोखराका २ जनाको मृत्यु (घाइतेको नामावली)
घुम्ती काट्न नसकेर दुई बल्ड्याङ पल्टेपछि सडकमै ठडियो बस
पोखराको पर्स्याङमा कारको ठक्करबाट दुई पैदलयात्रीको मृत्यु
पोखरा रानीपौवामा स्कुटरसँग ठोक्किँदा मोटरसाइकल चालक गम्भिर घाइते
पोखरामा हाते ट्रयाक्टरले लियो ज्यान, अरबबाट फर्केका बिक दुबई उड्दै थिए
यो पनि पढौँ
पोखरामा ताल दोहन: अतिक्रमणकारी र राजनीतिज्ञ एकैठाउँमा
‘चाडबाड राम्राे दिदीबहिनीले, घर रमाइलो छोराछाेरीले’ [भिडियो सहित]
पोखरामा हुने ‘ई-प्लानेट अष्ट्रेलियन युनिभर्सिटी फेयर’ मा ३ दर्जन युनिभर्सिटी सहभागी हुँदैछन् : शर्मा
घरेलु उपचार कति प्रभावकारी !