तपाईं पोखरामा बस्नुहुन्छ र तपाईंको स्वामित्वका जग्गामा रुख काट्नुपरेमा अनुमति लिनुपर्ने हुन्छ । नत्र, जरिवानामा पर्नुहोला ।
पोखराको न्यूरोडमा विना अनुमति रुख काटेपछि दुई जना कारबाहीको भागिदार बनेका छन् । उनीहरुलाई १५ हजार जरिवाना तिराइएको छ । फुटपाथमा हुर्किएको रुख काट्ने गिटार सप र स्काई फेसनलाई महानगरपालिकाको आर्थिक ऐन २०८० मा भएको व्यवस्था अनुसार कारबाही गरिएको हो ।
पोखरा महानगरपालिकाको नियम विपरीत न्यूरोडको सडक किनारमा रहेको रुख काट्ने दुई जनालाई १५ हजार जरिवाना गरी अब गल्ती नदोहोर्याउने कागज गराइएको महानगर प्रमुखको सचिवालयले जनाएको छ ।
महानगरको आर्थिक ऐनमा सडक छेउको फुटपाथमा लगाइएका रुखहरूको हाँगा अनुमति विना कटान गरेमा प्रति हाँगा रु. ५००० र रुख नै काटेमा रु.१५ हजार जरिवाना हुने व्यवस्था छ । एक घर, दुई बिरुवाको नीति लिएको पोखरा महानगरपालिकाले पछिल्लो डेढ वर्षमा हजारौँ बिरुवाहरू वृक्षारोपण गरेको छ भने, त्यति नै सङ्ख्यामा फूलका बिरुवाहरू लगाएको छ ।
सडक छेउमा लगाइएका बिरुवाहरूको संरक्षण गर्न नगरवासीहरूमा नगर प्रमुख धनराज आचार्यले अनुरोध गरेका छन् । पर्यावरणको सन्तुलनमा रुख बिरुवाको निकै महत्त्वपूर्ण भूमिका रहने भन्दै आफ्ना घर अगाडिका बिरुवा तथा फूलहरूको संरक्षणका लागि अनुरोध गरेका हुन् ।
महानगरले ‘ग्रिन पोखरा, क्लिन पोखरा’ अवधारणा अगाडि सार्दै २ लाख वृक्षारोपण गर्ने अभियान अगाडि बढाएको जनाउँदै महानगर प्रमुखका स्वकीय सचिव पूर्ण लामाले कोही कसैलाई विना अनुमानि रुख नकाट्न सजग गराएका छन् ।
सम्बन्धित खबर
गण्डकी प्रदेश प्रमुख भट्ट सूर्योदय हेर्न सबेरै सराङकोटमा
सुजलले ल्यायो ‘सफल कुजिन लाइन’
गण्डकीको मुख्यमन्त्रीमा सुरेन्द्रराज पाण्डे दोस्रो पटक नियुक्त
पञ्चासेमा प्रदेश प्रमुख [फोटो फिचर]
पोखरा–सिक्लेस सडक स्तरोन्नति, अब यात्रा सहज
सम्पादक अधिकारी दोस्रो राष्ट्रिय संगीत अवार्ड समारोहमा सम्मानित
यो पनि पढौँ
पोखरामा ताल दोहन: अतिक्रमणकारी र राजनीतिज्ञ एकैठाउँमा
‘चाडबाड राम्राे दिदीबहिनीले, घर रमाइलो छोराछाेरीले’ [भिडियो सहित]
पोखरामा हुने ‘ई-प्लानेट अष्ट्रेलियन युनिभर्सिटी फेयर’ मा ३ दर्जन युनिभर्सिटी सहभागी हुँदैछन् : शर्मा
घरेलु उपचार कति प्रभावकारी !