पोखरा । पोखराको लेकसाइडस्थित फेवा किनारमा रहेको रत्न मन्दिर खुल्ला गरिएको छ । गणतन्त्र दिवसको दिन सोमबार विशेष कार्यक्रमबीच संस्कृति, पर्यटन तथा नागरिक उड्डयन मन्त्री सुदन किरातीले रत्नमन्त्री खुल्ला गरेका हुन् ।
मन्दिर परिसर सर्वसाधारणका लागि खुला भए पनि मुख्य भाग भने अहिले नै खुला नहुने बताइएको छ । यसको मुख्य भवनमा ११ कोठा छन् भने नेपाल ट्रष्टको नाममा कास्कीमा १ सय ७४ रोपनी जग्गा छ ।
पूर्व राजपरिवारका सदस्य पोखरा आउँदा रत्न मन्दिरमा बस्ने गर्दथे । राजा महेन्द्रले रानी रत्नको नाममा बि.सं. २०१३ मा पोखरामा दरबार निर्माण गरेका हुन् ।
रत्नमन्दिर खुल्ला भएसँगै अब सर्वसाधरण तथा पर्यटकले प्रत्यक्ष अवलोकन गर्न पाउने भएका छन् । रत्न मन्दिर खुल्ला गर्ने अभियानमा साथ तथा सहयोग गर्ने सम्पूर्णप्रति पोखरा महानगरपालिकाका प्रमुख धनराज आचार्यले आभार व्यक्त गरेका छन् । ‘रत्न मन्दिर सर्वसाधरण तथा पर्यटकका लागि खुल्ला हुन महत्वपूर्ण उपलब्धि हो,’ उनले भने ।
यसको स्वामित्व नेपाल ट्रस्टमा आए पनि अहिलेसम्म यो सर्वसाधारणको लागि खुला भएको थिएन । पोखराका स्थानीय र पर्यटन व्यवसायीले रत्न मन्दिर र हिमागृह खुला गर्न बारम्बार माग गर्दै आएका थिए । राजतन्त्र हटेको डेढ दशकपछि रत्न मन्दिर खुला भएकाे हाे ।
सम्बन्धित खबर
मुख्यमन्त्री पाण्डेले बुझिलिए मन्त्री मनाङेको राजीनामा
मनाङेले दिए राजीनामा, भन्छन्ः ‘वन मन्त्रालय मैले होइन, भाइहरूले लिने हो’
गण्डकीमा एमालेका ४ मन्त्रीले लिए प्रदेश प्रमुखबाट शपथ
सर्वोच्चले भन्यो: ‘गण्डकी सांसद फणिन्द्रलाई माओवादीले गरेको कारबाही असंवैधानिक’ [फैसला सहित]
फ्लोर क्रस गरेका फणिन्द्रको मन्त्री पद ३ दिनमै चट्
गण्डकीमा फ्लोर क्रस गरेका फणिन्द्र र जता पनि मिल्ने मनाङेलाई मन्त्री पद उपहार
यो पनि पढौँ
पोखरामा ताल दोहन: अतिक्रमणकारी र राजनीतिज्ञ एकैठाउँमा
‘चाडबाड राम्राे दिदीबहिनीले, घर रमाइलो छोराछाेरीले’ [भिडियो सहित]
पोखरामा हुने ‘ई-प्लानेट अष्ट्रेलियन युनिभर्सिटी फेयर’ मा ३ दर्जन युनिभर्सिटी सहभागी हुँदैछन् : शर्मा
घरेलु उपचार कति प्रभावकारी !