पोखरा स्वास्थ्य विज्ञान प्रतिष्ठान अन्तरगतको पश्चिमाञ्चल क्षेत्रीय अस्पतालमा सुत्केरी महिला र नवजात शिशु दुवैको मृत्यु भएको छ । सोमबार राती सुत्केरी गराउने क्रममा तनहुँकी २६ वर्षीया शर्मिला कुँवर र उनको नवजात शिशुको मृत्यु भएको हो ।
दमौलीको ब्यास–१२ कमलबारी घरभएकी शर्मिला जेठ २१ गते तोकिएको डलीभेरीका दिन दमौली अस्पताल पुगेकी थिइन । त्यतिबेला अस्पताल पुग्दा चिकित्सक नभएका कारण पोखरा नै लैजानुपर्ने भन्दै एक हप्तापछि लैजान सुझाएको परिवारले बताएको छ ।
एक हप्तापछि श्रीमान कृष्ण दरईले पोखरा ल्याएर पश्चिमाञ्चल क्षेत्रीय अस्पतालमा भर्ना गरेका थिए । दोस्रो बच्चा जन्माउन लागेकी शर्मिला त्यतिबेलासम्म सकुशल नै रहेको कृष्णले बताए । श्रीमान् कृष्ण गत जेठ १८ मा मात्र कुवेतबाट नेपाल आएका थिए ।
शर्मिलालाई सोमबार बिहान ११ बजे व्यथा लाग्ने औषधी अस्पतालले दिएको थियो । दिउँसो ४ बजेतिर औषधिको दाेस्रो डोज दिएपछि शर्मीलाको स्वास्थ्य अवस्था बिग्रिएकाे परिवारले दाबी गरेको छ । राती करिब ११ बजे उपचारका क्रममा शर्मिलाको मृत्यु भएपछि मृत बच्चा निकालिएको थियो ।
अस्पतालले हेलचक्रयाईका कारण श्रीमति र बच्चाको मृत्य भएको श्रीमान् कृष्णले आरोप लगाए । तर, पश्चिमाञ्चल क्षेत्रय अस्पतालका प्रमुख डा. भरत खत्रीले उपचारको क्रममा अवस्था बिग्रीएका कारण बिरामीकोे मृत्यु भएको बताए । उनले बिरामीको अवस्था नै जटिल रहेकाले मृत्यु भएको बताउँदै अस्पतालले कुनै लापरवाही नगरेको दावी गरे ।
अस्पतालमै कार्यरत स्त्री रोग विशेषज्ञ डा.राजेन्द्र अधिकारीले शर्मिलालाई एम्युनिटिक फ्ल्युड इम्बोलिजम अर्थात् बच्चा बस्ने पानी पाठेघरको नशाबाट फोक्सोमा पुगेका कारण मृत्युको बताए । डा. अधिकारीले अस्पतालमा लापरवाही नभएको र सुत्केरी गराउने क्रममा यस्तो जोखिम हुने बताए ।
सम्बन्धित खबर
मुख्यमन्त्री पाण्डेले बुझिलिए मन्त्री मनाङेको राजीनामा
मनाङेले दिए राजीनामा, भन्छन्ः ‘वन मन्त्रालय मैले होइन, भाइहरूले लिने हो’
गण्डकीमा एमालेका ४ मन्त्रीले लिए प्रदेश प्रमुखबाट शपथ
सर्वोच्चले भन्यो: ‘गण्डकी सांसद फणिन्द्रलाई माओवादीले गरेको कारबाही असंवैधानिक’ [फैसला सहित]
फ्लोर क्रस गरेका फणिन्द्रको मन्त्री पद ३ दिनमै चट्
गण्डकीमा फ्लोर क्रस गरेका फणिन्द्र र जता पनि मिल्ने मनाङेलाई मन्त्री पद उपहार
यो पनि पढौँ
पोखरामा ताल दोहन: अतिक्रमणकारी र राजनीतिज्ञ एकैठाउँमा
‘चाडबाड राम्राे दिदीबहिनीले, घर रमाइलो छोराछाेरीले’ [भिडियो सहित]
पोखरामा हुने ‘ई-प्लानेट अष्ट्रेलियन युनिभर्सिटी फेयर’ मा ३ दर्जन युनिभर्सिटी सहभागी हुँदैछन् : शर्मा
घरेलु उपचार कति प्रभावकारी !