पृथ्वी राजमार्ग विस्तार योजना अन्तर्गत ‘राइट अफ वे’ मा परेका संरचनालाई हटाउन सुरू गरिएकाे छ । पोखरा पृथ्वीचोकदेखि विजयपुर खोलासम्म राजमार्गको दायाँबायाँ (२३ मिटर) मापदण्डभित्र परेका संरचना पहिलाे चरणमा पोखरा महानगरले हटाएको छ ।
महानगरले सोमबारदेखि मापदण्डभित्र रहेका संरचना डोजर लगाएरै हटाउन थालेको हो । एक महिना अगाडि नै मापदण्डभित्र परेका संरचना हटाउन जानकारी दिइएको भए पनि अटेरी गरेकालाई हटाउन लागिएको महानगरले जनाएकाे छ ।
त्यस अन्तर्गतको करिब ६ किलोमिटर दूरीमा ६० भन्दा बढी स्थायी-अस्थायी संरचना हटाउनु पर्ने महानगरले जनाएको छ । महानगरले आइतबार पनि सूचना जारी गर्दै त्यस क्षेत्रका संरचना हटाउने तथा सरसफाई गर्ने कामका लागि उपस्थित हुन नगरवासीलाई अनुरोध गरेको थियो ।
मेयर धनराज आचार्यले बाटोका लागि एडीबीको टिम पर्सि आउँदै रहेकाे र त्यो भन्दा अगाडि राजमार्गको राइट अफ वे क्लियर गरौं भनेर महानगरले सहजीकरण गर्न लागेको बताए ।
एसियाली विकास बैंक (एडीबी)को सहयोगमा यो राजमार्गलाई विस्तार गरेर ४ लेन बनाउन लागिएको हो । विजयपुरदेखि लेखनाथ क्षेत्रमा भने मुआब्जाको विषय टुंगिन बाँकी रहेकाले त्यहाँका संरचना हटाउन केही समय लाग्ने महानगरले जनाएको छ । त्यसै कारणा पनि पोखरा लगायत शहरी क्षेत्र रहेको पश्चिमी खण्डमा भने काम निकै सुस्त अघि बढेको छ ।
सम्बन्धित खबर
पोखरामा ताल दोहन: अतिक्रमणकारी र राजनीतिज्ञ एकैठाउँमा
पोखराका गिरी दम्पती विरूद्ध ठगीको उजुरी, जापान पठाउने भन्दै साढे १४ लाख उठाए
पृथ्वी राजमार्गको ‘राइट अफ वे’ मा परेका संरचना हटाउन सुरू
गण्डकीमा लाइसेन्सको राजस्व अब अनलाइनबाटै
महिला प्रहरीलाई इन्स्पेक्टरको म्यासेज– ‘आइ एम फ्यान अफ याेर बडी फिगर’
पाेखराकाे राजदरबार ‘रत्न मन्दिर’ खुल्ला
यो पनि पढौँ
पोखरामा ताल दोहन: अतिक्रमणकारी र राजनीतिज्ञ एकैठाउँमा
पोखरामा हुने ‘ई-प्लानेट अष्ट्रेलियन युनिभर्सिटी फेयर’ मा ३ दर्जन युनिभर्सिटी सहभागी हुँदैछन् : शर्मा
‘चाडबाड राम्राे दिदीबहिनीले, घर रमाइलो छोराछाेरीले’ [भिडियो सहित]
घरेलु उपचार कति प्रभावकारी !