कास्की प्रहरीले मोडिफाइ (स्वरुप परिवर्तन) गरिएका मोटरसाइकललाई टार्गेट गरी विशेष चेकजाँचलाई तीब्रता दिएको छ । पोखरा नै थर्काउने गरी साइलेन्सर पाइपबाट आगोको मुस्लो निकाल्नेहरु मूख्य टार्गेटमा छन् ।
६ महिनाबीचमा नै कास्की प्रहरीले झण्डै ७ सय बाइकधनीलाई कारबाही गरी पूर्ववत् स्वरुपमा फर्काएको छ ।
समाजमा ध्वनी प्रदूषण फैलाउनुका साथै दुर्घटनाको जोखिमसमेत बढ्ने भएपछि जिल्ला प्रहरी कार्यालय कास्की र जिल्ला ट्राफिक प्रहरी कार्यालय कास्कीले संयुक्त रुपमा मोडिफाइ बाइक कारबाही गर्ने अभियान थालेको हो ।
बढी आवाज निकाल्दै दुःख दिएको भन्ने गुनासो बढ्न थालेपछि अभियानकै रुपमा अघि बढाएको कास्की प्रहरीका निमित्त सूचना अधिकारी इन्स्पेक्टर सूर्यबहादुर रानाले बताए ।
प्रहरीलाई झुक्याउनका लागि स्टार्ट गर्ने चाबी एकातिर र देखाउने चाबी अर्कातिर बनाएको पनि भेटिएको छ ।
विशेष गरी बुलेट र क्रसफायर बाइक मोडिफाइ बढी गरेको भेटिएको छ । साइलेन्सरमा प्वाल पार्ने, साइलेन्सर फेर्ने, हेन्डल परिवर्तनसंगै विभिन्न स्थानमा चाबी राख्ने गरेको भेटिएको छ ।
पहिलो पटकमा सवारीको ढाँचा जुन हो त्यही बनाउने र ट्राफिक जरिवाना अनुसार कारबाही गरी परिवारको जिम्मा लगाएर छाड्ने गरएको छ । दोस्रो पटक पनि त्यस्तै भएमा यातायात व्यवस्था कार्यालयमा पठाएर सोही अनुसार कारवाहि गर्ने गरिएको छ ।
मोडिफाई गर्ने वर्कसपहरु उनीहरुबाटै पत्ता लगाउने र ती वर्कसप चलाउनेलाई पनि पहिलोपटक लिएर आएर सचेत गराउने र दोस्रो पटक पनि त्यहि काम गरेको भेटियो भने हामी मुद्दा चलाउने गरिएको छ ।
कास्की प्रहरीले आज पत्रकारहरुमाझ समातिएका मोटरसाइकल प्रदर्शनी गर्दै कसरी ध्वनी प्रदुषण गरिरहेका छन् भनेर पनि देखाएका थिए ।
bullet
सम्बन्धित खबर
गण्डकी प्रदेश प्रमुख भट्ट सूर्योदय हेर्न सबेरै सराङकोटमा
सुजलले ल्यायो ‘सफल कुजिन लाइन’
गण्डकीको मुख्यमन्त्रीमा सुरेन्द्रराज पाण्डे दोस्रो पटक नियुक्त
पञ्चासेमा प्रदेश प्रमुख [फोटो फिचर]
पोखरा–सिक्लेस सडक स्तरोन्नति, अब यात्रा सहज
सम्पादक अधिकारी दोस्रो राष्ट्रिय संगीत अवार्ड समारोहमा सम्मानित
यो पनि पढौँ
पोखरामा ताल दोहन: अतिक्रमणकारी र राजनीतिज्ञ एकैठाउँमा
‘चाडबाड राम्राे दिदीबहिनीले, घर रमाइलो छोराछाेरीले’ [भिडियो सहित]
पोखरामा हुने ‘ई-प्लानेट अष्ट्रेलियन युनिभर्सिटी फेयर’ मा ३ दर्जन युनिभर्सिटी सहभागी हुँदैछन् : शर्मा
घरेलु उपचार कति प्रभावकारी !