रुपन्देही । नेपाली कांग्रेसका नेता डा. शेखर कोइरालाले गृहमन्त्री रबि लामिछानेले नैतिकताका आधारमा राजीनामा दिनुपर्ने कांग्रेसको प्रष्ट अडान रहेको बताए ।
राजनीतिमा नैतिकताको खडेरी रहेको भन्दै उनले सहकारीमा आफै दोषी देखिएका लामिछानेले तालुकदार मन्त्रालयको जिम्मेवारीबाट राजीनामा दिएर अनुसन्धानलाई सहयोग गर्नुपर्ने जनाए ।
‘विवादमा तानिएपछि यसअघि धेरैले पद त्यागेको अवस्था छ, उदाहरणका लागि इतिहास हेरौँ, रामशरण महत, जर्नादन शर्मा, गोकुल बास्कोटा, कृष्णबहादुर महराले पद छाडेर सहयोग गर्नुभएको थियो’ उनले भने ।
बुधबार बुटवलमा जिपी कोइराला स्मृति प्रतिष्ठान रुपन्देहीको भवन शिलान्यास कार्यक्रममा उनले प्रधानमन्त्री पुष्पकमल दाहाल प्रचण्डले गृहमन्त्री रवि लामिछानेलाई जोगाउने प्रपञ्चमा लागेको आरोप लगाए । संसदमा प्रधानमन्त्री प्रचण्डाले गृहमन्त्रीको बचाउ गर्दै बोलेको कुरामा कुनै सत्यता नभएको उनले जनाएका छन् ।
कोइरालाले टिआरसीलाई राजनीतिक लेनदेनको विषय बनाइएको भन्दै असन्तुष्टि जनाए । पीडितलाई नजरअन्दाज गर्न नसकिने र अन्तर्राष्ट्रिय समुदायले पनि यसबारेमा उठाएका सवाल सुन्न माओवादी तयार छ की छैन भन्ने प्रश्न गर्दै सत्ताको मोलमोलाई गरेर टिआरसी नटुंगिने चेतावनी दिए ।
उनले कांगे्रसलाई दोष दिएर माओवादीले नयाँ गठबन्धन बनाएको तर्क गर्दै उनले कोशी प्रदेशमा आफूहरुकै सरकार रहेको बताउँदै नयाँ गठबन्धनले कुन धारामा टेकेर के के गर्छ त्यो भने हेर्दै जाने जनाए ।
उनले महरा पक्राउ परेकै दिन सुनकाण्डका अन्य दोषीलाई भने धरौटीमा रिहा हुनु रहस्यमय रहेको दाबी गरे । नेता कोइरालाले कांग्रेस अब एक्लै चुनाव लड्ने र कसैकौ बैशाखी नटेक्ने दाबी गरे ।
सम्बन्धित खबर
प्रधानमन्त्रीमा ओलीको नियुक्तिविरुद्धका तीनवटै रिट सर्वोच्चद्वारा खारेज
सञ्चारमन्त्री पृथ्वीसुब्बा गुरुङ: गण्डकी नेतृत्व गरी फर्केपछि फेरि मन्त्री
शिक्षामन्त्री विद्या भट्टराई: त्रिविकी पूर्व उपप्राध्यापक ओली क्याबिनेटमा आशालाग्दो अनुहार
प्रधानमन्त्री ओली, दुई उपप्रधानमन्त्री र १९ मन्त्रीले लिए शपथ
केपी शर्मा ओली चौथोपटक प्रधानमन्त्री नियुक्त, सोमबार बिहान ११ बजे सपथ
प्रधानमन्त्रीमा ओलीको दाबी पेस, नियुक्ति र शपथ आइतबार मात्रै
यो पनि पढौँ
पोखरामा ताल दोहन: अतिक्रमणकारी र राजनीतिज्ञ एकैठाउँमा
‘चाडबाड राम्राे दिदीबहिनीले, घर रमाइलो छोराछाेरीले’ [भिडियो सहित]
पोखरामा हुने ‘ई-प्लानेट अष्ट्रेलियन युनिभर्सिटी फेयर’ मा ३ दर्जन युनिभर्सिटी सहभागी हुँदैछन् : शर्मा
घरेलु उपचार कति प्रभावकारी !